Overblog Suivre ce blog
Editer l'article Administration Créer mon blog
8 mars 2010 1 08 /03 /mars /2010 18:51

Qu’èran 4000 a Nerac (Òut e Garona) tà díser non a la LGV

DSC_0022.JPGQue se i son plan escaduts los organizators de la manifestacion anti-LGV e lo Charles D’Huyvetter que baileja l’associacion « Très grande vigilance en Albret » que pòt estar content deu resultat.

Qu’èran guaireben 4000, ça disón los responsables – 2100 segon la gendarmaria –, venguts a Nerac tà díser lo lor refús d’ua linha de grana velocitat (LGV) que sacrificarà milierats d’ectars de tèrras agricòlas e que harà ua traucada de las granas dens lo massís lanusquet. De memòria de Neraqués, que i avèva bèra pausa que Baïsa e lo son Pont Vièlh n’avèvan pas vist autan de monde !DSC_0039.JPG

Qu’èran venguts d’Òut e Garona e deus departaments vesins (Dordonha, Gèrs, Gironda, Lanas, Pireneus Atlantics, Tarn e Garona) mès deu País basco tanben e las bandaròlas qu’èran de sortida. Que se i podèva legir : « Non aux lignes TGV, oui aux lignes existantes », « Le bonheur est dans le pré avec la LGV ; le malheur est dans le prêt. Endettement : 45 ans », « Forêts massacrées, impôts multipliés » tà ne parlar pas sonque de quauques uas.

Lo cortègi, precedit per un detzenat de tractors, qu’empruntè, pendent duas oradas, las carrèras de la vila en passar suu Pont Nau e suu Pont Vièlh – lo qu’empruntava lo Reiòt (futur Enric IV) quand demorava a Nerac. Tà’s convéncer qu’èran autan nombrós, que s’assemblèn tornar suu herau a la fin de la manifestacion per las diferentas presas de paraula.

Los responsables de las associacions concernidas que tengón un discors identic : ua linha atau que ne servirà pas sonque a quauques uns puishque religarà unicament las metropòlis granas sens nat profit tau monde deus vilatges e maines. Las gents que son per ua modernizacion de las linhas existentas qui poirén perméter de córrer a l’entorn de 180 km/h a 210 km/h. Los elegits qui partejan aqueste combat – mei d’un qu’an « pres lo tren en marcha » totun – qu’anoncièn la creacion d’un collectiu d’elegits tà forçar lo govèrn e las autoritats regionaus o locaus concernidas a estudiar ua alternativa.

E tà manténer la convivéncia e restaurar un monde aganit, los organizators qu’avèvan previst entrepans gascons e vin de país qu’estón servits aus manifestants per ua armada de benevòles a la fin de la manifestacion.

Partager cet article

Repost 0
Andriu de Gavaudan - dans Vida vidanta
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca