Overblog Suivre ce blog
Editer l'article Administration Créer mon blog
10 février 2012 5 10 /02 /février /2012 17:16

Quan ac vedetz en un film, que pensatz que lo realizator i va un pauc  hòrt, mès n'es pas sonque un film e que ridetz damb los autes…

N'avetz pas mei l'rríder aus pòts quand l'afar que vs'arriba, a vos !

Dimècres de matin, au sortir deu lièit, qu'angoi draubir los contravents de la sala de minjar qu'èran en espanholeta (n'aimi pas l'escur), guaireben nud com un vèrmi (que damori a la campanha e los mens vesins navèths que son a un centenat de mètres). La mea gata de tira que voló sortir pr'amor qu'avèva vist ungavèr-roi / còtharroi / ropit / bichau… ; jo, amic de las bèstias, que l'empachèi e que CLACÈI la pòrta-frinèsta darrèr jo… Qu'em trobèi per una temperatura-termomètre de -10°C e ua temperatura-ressentida de guaireben -17°C en pantalon e malhòt e sabatons sens arren : ni telefòn, ni clau d'ostau ni de veitura.

Per astre, q'èi ua veranda on i a totjorn quauquarren e que podoi assajar de trobar un vesin… n'es pas aisit qu'aqueth monde trabalhan ; fin finala après tribulòcis, que trobèi ua vesina que'm prestè lo son telefòn ende que posqui soar ua amiga qu'avèva un doble de las meas claus.

Tot qu'es tornat com avant mès que'vse prometi que ne hasèvi pas deu fieròt !

Partager cet article

Repost 0
Andriu de Gavaudan - dans Vida vidanta
commenter cet article

commentaires

Melanie 13/02/2012 13:30


Es hot aquel blòg.

Melanie 12/02/2012 21:10


LOOOOOOOOOOOOOL  e siás pas enraumassat?


Lo comentari de Joan deu Peiroton : LOL


Moralitat : puta de cata!!!!

Andriu de Gavaudan 13/02/2012 12:57



Lo material de guèrra ! deviá èsser de bona qualitat…



joan peiroton 11/02/2012 17:30


Bon! Au mens, n'i a qui't legen, dens la blogosfèra, qu'ei la pròva lol. E n'assajes pas de'nse envergamar dab abusapècs en te voler har passar per un vielh abarcalh!   Qu'ac avem tot
plan comprés, vam! Tot aquò qu'èra un pretèxte tà anar visitar la vesia prumèr, e puish l'amiga, coquinàs! Bon, la vertat: que'nse regalam en te léger. 

joan peiroton 11/02/2012 05:56


Mic, dab ua temperatura mesurada de -10°C , se l'arressentivas a + 17°C per plan desvestit que pogosses estar, b'èra que devèvas pensar a quauquarren o quauquarrés de plan calurós. 

Andriu de Gavaudan 11/02/2012 09:14



Que hès cagar ! Bon qu'èi corregit ; be as rason ! Ne soi pas mei a un atge que'm permet d'aver ua impression de ressentit ! de +17°C quand ne hè pas sonque -10°C. Ne cau pas desesperar totun!


 



Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca