Overblog Suivre ce blog
Editer l'article Administration Créer mon blog
1 novembre 2010 1 01 /11 /novembre /2010 11:54

Totsants e vacanças …

 

Evolucion de las mors dens la nòsta societat… Los temps de pausa que’s hèn de mei en mei rars. Que cau que tot sia hèit tau jorn d’avant e l’adagi Time is moneyqu’es vengut rei. Atau, Totsants (Marteror) qu’èra un periòde que lo monde ne’n profieitavan tà anar flocar la tomba familhau e tà tornar veder la parentèla ; a l’òra d’ara, los mèdias que nse disen que « la manca de carburant, provocada per los grevistas, e poiré empachar los Francés de se n’anar en vacanças ». Atau, a maugrat de l’especificitat de Totsants – generaument con·honut damb lo jorn deus mòrts qui es lo lendoman. Hèra de supermercats que daubreishen au mens pendent la matiada estant que lo servici a la practica  – e lo lor pòrtamoneda de segur – es quaucomet de sacrat. Levat dens las campanhas – e enqüèra –, lo domeni deu sacrat qu’a cambiat ; Qu’es ara lo consum qu’es la prioritat de las prioritats tà tornar « aviar la creishença ». Que sabi que los esperits hòrts n’an pas besonh d’ua jornada dedicada tà’s sovénguer deus lors mòrts. Aquestes qu’an la capacitat, çà disen, de’s sovénguer on que sian, a quina òra que sia ; e, se n’an pas lo léser, ocupats que son a har moneda, de’s desplaçar, que crean ua tomba virtuau sus Internet… Mon bon monsieur ! Degun ne pòt pas anar contra e n’es pas quan siam dens lo clòt que haram progressar l’umanitat. Que semblan d’aver doblidat que un progrès eventuau n’es pas ua fin en se mès que deuré estar ua etapa entà un melhor estar… De segur, quitament lo jorn de Totsants, eveniments importants que’s debanan ; eleccions presidenciaus en Brasil (ua hemna elegida) e en Còsta d’Evòri sens parlar de las eleccions estatsunidencas ont lo « cadun per se » fàcia a un « Estat socialista » favorizant los « salòps de praubes » a lo vent de cuu…

 

Editoriau de La Setmana, n°789

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca