Overblog Suivre ce blog
Editer l'article Administration Créer mon blog
28 février 2010 7 28 /02 /février /2010 15:27

Un tabó levat !

Los mèdia – mas tanben unes òmes politics o intellectuals – nos dison que cap al « globish » English, lo francés – e son universalitat – es en dangièr de mòrt. Nos anóncian tanben, amb de paraulas de circonstància, la mòrt del darrièr locutor d’una lenga luenhenca [la lenga Bo, Isclas Andaman, Índia]. Se lançan puèi dins de consideracions filosoficas sus las fragilitat de las lengas e de las culturas, e sus la necessitat de preservar e promòure aquela riquesa de l’umanitat. Generalament, acaban l’elògi funèbre en tornant prene la frasa atribuida a l’escrivan de Mali, Amadou Hampaté Ba : « Quand un vièlh morís, es una bibliotèca que brutla ». Regularament, los messatgièrs de la lenga francesa nos apèlan a la resisténcia cap a aqueste enemic vengut de las Americas d’una faiçon enganiva, a l’escasença de doas guèrras mondialas. Un article de R. Solé (Le Monde des livres, 26-02-2010) nos torna los propausses de Na Carrère d’Encausse, secretària perpetuala de l’Acadèmia : « … lo francés se pòt pas mai defendre solet. Son salut, aquò's lo mutilinguïsme ». De segur, pensa pas a las lengas istoricas de França quand ditz aquò. L’escrivan antilhés, Patrick Chamoiseau seguís una dralha identica : « Lo francés serà poderós e subrebèl pertot ont totas lengas seràn poderoses e subrebèlas ». Vesèm que los quites partisans acarnassits del francés – un francés de mens en mens universal – consubstencial a la Nacion començan de s’apercebre que lo malaür dels uns fa pas necessàriament lo bonaür dels autres. Finiràn benlèu per comprene – ne’n dobti ! – que lo desvolopament de nòstras lengas e culturas istoricas es pas un dangièr ; au sens contra ! Per accelerar aquela reconeissença a venir, avèm ara un aliat de pes (M. Charasse) al Conselh constitucional !

Editorial de La Setmana, n°755

Partager cet article

Repost 0
Andriu de Gavaudan - dans Anar del mond
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca