Overblog Suivre ce blog
Editer l'article Administration Créer mon blog
10 août 2013 6 10 /08 /août /2013 15:26

Los parlamentaris an de resèrvas…

Vòli pas dire mas, se soi pas per l’anóncia sistematica de las catastròfas dins los mèdia e particularament sul fenestron, pensi çaquelà que semblan d’aver decidit que caliá pas far susar los Franceses a cada edicion amb de novèlas marridas pendent l’estiu « oficial ».

Divendres de ser, sus la canal Antena 2, la jornalista que presentava lo jornal quitèt pas d’aver lo sorrire als pòts. Se compren per çò que parlèt pas que las vacanças e dels vacancièrs : los que tornavan, los que partián, los que demoravan, los que…

Los reportatges li tirèron pas lo sorrire dels pòts per çò qu’èran, eles tanben, consacrats a… las vacanças per illustrar las paraulas de la presntairitz.

Pendent una mièja ora, lo telespectator deguèt aver l’impression que las gents « que se lèvan de d’ora » – coma o disiá nòstre èx-president tant aimat d’eles ! – n’i aviá pas pus o qu’èran mòrts o qu’èran … en vacanças !

França, que, per d’unes, passa per un país auturós e que fa cagar – çò dison – lo monde entièr amb son « excepcion culturala », mai precisament la França de las vacanças èra la sola que se meritava d’èsser mençonada.

Euròpa, los autres païses estrangièrs, los « primptemps arabis » qu’an cabussat dins un fangàs sagnós, etc. èran pas d’èsser citats. Aviá decidit la redaccion d’A2 que res vendriá pas trebolar las vacanças e los vacancièrs…

Vòstre Petit Bleu, el tanben, a un « programa » d’estiu mas esita pas a nos téner al fial ‘autras causòtas que, a còps, pòdon desrengar…

Aital de la resèrva parlamentària e de son atribucion venguda publica, es a dire coneguda de totes, gràcia al capuditge d’un professor de matematicas òut e garonés : H. Lebreton, un nom predestinat !

La discrecion de nòstres elegits, modèrnas damas patronessas, seriá a marcar d’una pèira blanca per çò que concernís lors « bonas òbras » s’èran pas tot simplament al servici d’un clientelisme plan comprés e non de l’inetrès general.

Curiós que cap d’elegit, quand se tròba dins l’oposicion al govèrn, aja pas fach sos caulets grasses d’aquela manca d’etica, non ?

Cronica occitana

Le Petit Bleu de Lot-et-Garonne

dimenge, lo 11 d'agost de 2013

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca