Overblog Suivre ce blog
Administration Créer mon blog
22 septembre 2012 6 22 /09 /septembre /2012 17:10

Quand l’« inventor » de las icònas desconeja…

 

Vòli pas dire mas, sens far partida dels geeks informaticas, aimi ça que là d’aver un polit ordenador , aisit d’emplec e que tomba pas jamai en pana o quasi !

O faguèri pas exprès mas nhaquèri « la poma » en 1985 suls conselhs d’un collèga que, el, èra, ja a l’epòca, un geek.

Ieu aquò m’interessava per çò que vesiái ben que se podiá far de causas interessantas, non pas – per ieu – per calcular mas per escriure de tèxte.,

Seguissiái d’estagis ont passavem oradas a saniquejar per obténer, a la sortida un drapèu blau-blanc-roge, per exemple… Coma soi pas jamai estat un bon patriòta, èri pas tròp estrambordat !

Me soveni que caliá alucar l’ordenador, li far engolir un disc sople  – floppy disc – que li balhava de memòria ; puèi li far vomir lo disc, puèi li far engolir un second disc sus lo qual i aviá lo software – s’apelava pas encara lo logicial – amb lo qual voliam trabalhar…

Mas tot aquò, los joves o pòdon pas saber, ara qu’amb un clic o dos podèm anar de l’autre bòrd del planeta.

Donc aquel collèga me diguèt un jorn que se teniái qualques sòus e se voliái pas m’embestiar a far un aprendissatge penós e que m’agradava pas tròp, deuriái crompar un ordenador revolucionari qu’una joena entrepresa veniá de metre sul mercat e qu’estalviava tot aprendissatge.

En mai d’aquò, l’ordenador te « parlava » o quasiment : tanlèu alucat, foncionava e, a cada operacion, i aviá de tèxte qu’apareissiá a l’ecran per te demandar se voliás far vertadièrament çò que voliás far. E te demandava de causir la responsa : òc, non, sabi pas. Las linhas de tèxtes de l’ordenador « normal » èran remplaçadas per d’imatges (las icònas, s’apelavan), etc.

Aquò fa que, dempuèi mai de vint e cinc ans, soi fidèl a « la poma » per sa simplicitat d’emplec, son estetica e son sens de l’innovacion.

E aquò me fa mal al còr d’aprene que, quitament en Euròpa o en los Estats Units, aquesta entrepresa se compòrta coma un sacamand e paga sos emplegats al minimum sindical per se ne metre un maximum dins sa pòcha. O sabi plan que totas las entrepresas fan parièr mas auriam pogut benlèu esperar un melhor exemple d’una entrepresa que s’es totjorn volguda « a part » de las autras…

 

Cronica occitana

Le Petit Bleu de Lot-et-Garonne

Dimenge, lo 23 de setembre de 2012

Repost 0
Andriu de Gavaudan - dans Anar del mond
commenter cet article
18 septembre 2012 2 18 /09 /septembre /2012 13:33

In memoriam ?

 

« Com la crosta d’un pastèr, las promessas que son hèitas tà estar rompudas ». Vertat es que los elegits de tots bòrds ne’n son pas jamei avares quan s’ageish de nse prométer un avénguer encantador. Vertat es tanben que los electors aiman de créder que, aqueste còp enfin, l’èrba serà mei verda. En 1981, ua de las promessas qu’èra la « reparacion istorica » devuda a « las lengas regionaus » ; que ns’apercebom lèu que n’èra pas sonque un m’as-colhonat-quan-t’èi-vist ! Ne i a pas guaire, que vse digoi lo men sentiment a perpaus deus senators socialistas – pas tots pr’aquò – qui, damb l’assentiment tacit de la dreta, excipen de l’excepcion culturau francesa quasiment entà non pas ténguer aquesta promessa. Ara – mès qu’èra tanben ua promessa en 1981 –, qu’es l’afar deu dret de vòte deus estrangèrs non-comunautaris a las eleccions municipaus « en situacion regulara desempuish cinc annadas au mens » qu’arriba suu devant de l’empont. La dreta qu’adjura lo president de i renonciar entà non pas dividir lo país en un periòde de crisi. Lo ministre de l’Interior, hèra favorable a ua lei pauc de temps a, tròba que « ne i a pas ua reivindicacion hòrta dens la societat francesa » e que « n’es pas un element poderós d’integracion ». Lo president confirma ça que là que las promessas seràn tengudas… mès sens balhar ua data. La ratificacion per França de la carta europèa de las lengas minoritàrias qu’es ua promessa electorau tanben. E que coneishem lo sosten clar e massiu que ns’apòrtan dreta e esquèrra amassa ! La responsa que Mitterrand hasó a perpaus deu vòte estrangèr que poirà tornar servir : « La societat francesa n’es pas enqüèra pro madura. » Lo clòt de las promessas enterradas que ven de se draubir ; ne bastarà pas sonque d’escríver : « In memoriam » !

 

Editoriau de La Setmana, n°885

Repost 0
Andriu de Gavaudan - dans Anar del mond
commenter cet article
15 septembre 2012 6 15 /09 /septembre /2012 16:02

« Far lo pont » : un patrimòni francés…

 

Vòli pas dire mas França, fins ara, èra coneguda per èsser lo « país dels ponts », es a dire que, per far cort e d’après los estrangièrs, nos adobam per combinar un maximum de comjats a l’entorn d’una dimenjada en perdent un minimum de moneda.

Los Estatsunidencs que, coma o sabètz pas benlèu, an son que un quinzenat de jorns de comjats per an, se demandan totjorn çò que fasèm d’aquel temps libre !

Semblan pas comprene que, en temps normal, es a dire fòra la crisi o condicions especialas, aimam d’èsser libres pendent nòstre temps libre ! Mossur de La Palice o auriá pas dich melhor, el que, un quart d’ora abans sa mòrt, èra totjorn en vida.

Los que se senton copables de trabalhar pas fan de bricolatge per eles o al negre per un vesin mai desprovesit sus aquel plan ; los autres, e ne fau partida, fan… res, mas res de res ! Se contentan de legir lo jornal o un libre o de far lo pigre, lo peresós, lo feniant, qué !

Per malastre, la crisi economica, venguda dels Estats Units, aquel país ont aiman tant trabalhar, nos obliga a nos « americanizar » e a trabalhar mai, non pas per ganhar mai mas son que per se ganhar lo de qué viure.

Poiram bastir nòstra reputacion sus quicòm mai benlèu : la jornada de… o, a còps, las jornadas de…

Aquesta dimenjada, avèm las jornadas del patrimòni ; mas de « jornada de… »  ne deu aver mai que de dimenges dins l’annada. Quand o volèm, podèm èsser los campions !

Non pas que sián totas inutilas, aquelas jornadas mas pr’aquò tantas jornadas dedicadas a quicòm, vòli dire a quicòm de nòble, a quicòm qu’enauça l’èime… tantas jornadas fan que i prestam pas mai atencion.

Los mèdia pr’aquò o nos rapèlan : fèsta de las maires, dels paires, dels grands ; fèsta de la musica, del libre ; jornada(s) de la femna, dels dreches de l’Òme, dels avugles, e dels tòrts… O festegèssem tot, seriam tròp crebats per trabalhar… e nos calriá en consequéncia far lo pont d’una faiçon o d’una autra per poder recuperar !

Calriá pensar a crear un « jornada dels ponts » que vendriá s’apondre als ponts que fasèm. O vau dire al ministre…

 

Cronica occitana

Le Petit Bleu de Lot-et-Garonne

Dienge, lo 16 de setembre de 2012

 

Repost 0
Andriu de Gavaudan - dans Anar del mond
commenter cet article
11 septembre 2012 2 11 /09 /septembre /2012 16:02

La bòria de la zizània ?

 

Aviái l’intencion de parlar del ministèri de la Cultura pres dins la borrasca de the crisi mas lo corrièr dels legèires de nòstre darrièr numèro fa que vos volriái parlar de la bòria nòstra puslèu que de la bòria – nòstra tanben – exagonala.

Paura Setmana, presa a partida d’una faiçon violenta per çò qu’adapta en lengadocian de paraulas lemosinas dins una entrevista – amb l’acòrd de la persona entrevistada pr’aquò ! Li es arribat d’èsser acusada tanben d’èsser un jornal « lengadocian » basat a Pau, en Bearn, país del « gascon blos e naturau ». Es pas d’entrisme, aquò ?

Me daissèssi anar a seguir aquela dralha, ma calriá tornar prene la tèsi del complòt e la de l’expansionisme « lengadocian ». Sèm totjorn, un còp o l’autre, l’« oprimeire » o la « victima » de qualqu’un, qual que siá lo domeni concernit.

E los Occitans, entre dos imnes a la lenga d’òc, una e divèrsa a l’encòp – e i tenon, macarèl ! – se congostan dins las garrolhas que los aparaires dels pateses d’òc ne fan lor mèl. Qualqu’un parlèt, longtemps a me sembla, de la tendéncia mortifèra qu’avèm quand s’agís de nòstra lenga e de nòstra cultura. Lo veire a mitat vuèg – o mai – qué !

Disi pas pr’aquò que los « lengadocians » son autan blancs coma la nèu mas fa qualque temps ja que se suènhan quitament se i a encara de trabalh a far.

Sèm fièrs de nòstra lenga, una e divèrsa, o estimam sonque la de nòstre canton ? Cridassam, e avèm rason, que nòstra lenga e nòstra cultura son matrassadas per París mas tanlèu que qualqu’un bota sus pè, amb las dificultats que sabèm, un esplech per socializar la lenga, li tombam dessús allòc de propausar de l’ajudar ! Puslèu que de « semenar la zizània » – l’iraga –  perque fariam pas l’esfòrç de « laurar drech e prigond » per una recòlta bèla ?

 

Andriu de Gavaudan

Repost 0
Andriu de Gavaudan - dans Anar del mond
commenter cet article
9 septembre 2012 7 09 /09 /septembre /2012 09:03

Ièr, faguèri una remarca sul mestièr d'ensenhaire en senhalant lèu fach un dorsièr del MondeLe Monde, quasèrn Culture&idées, dissabte 8 de setembre de 2012 – mas finalament, pensi qu'es melhor de o citar tot.

Lo ministèri de l'Educacion nacionala publiquèt en 2007, puèi completèt en 2010, un document repertoriant las dètz « competéncias d'aquerir pels professors, documentalistas e conselhièrs principals d'educacion per l'exercici de lor mestièr ».

O podètz consultar sus : www.education.gouv.fr/cid52614/menh1012598a.html

 

Las dètz competéncias professionalas :

 

1. — Agir en foncionari de l'Estat e de faiçon etica e responsbla.

2. — Mestrejar la lenga francesa per ensenhar e tanben comunicar.

3. — Mestrajar las disciplinas e aver una bona cultura generala.

4. — Concebre e metre en òbra son ensenhament.

5. — Organizar lo trabalh de la classa.

6. — Prene en compte la diversitat dels escolans.

7. — Avalorar los escolans.

8. — Mestrejar las tecnologias de l'informacion e de la comunicacion.

9. — Trabalhar en equipa e cooperar amb los parents e los partenaris de l'escòla.

10. — Se formar e innovar.

 

Son pas que los títols ; cal anar veire lo tèxte  complèt ont cada part es dividida en tres – coneissenças, capacitats, actituds – e desvolopada.

 

Un comentari ?

Repost 0
Andriu de Gavaudan - dans Anar del mond
commenter cet article
9 septembre 2012 7 09 /09 /septembre /2012 00:15

Damb la sequèra qu'es a l'òbra un pauc per tot, que venem d'apréner qu'en los Estats Units  uns Estatsunidencs qui an la bona fortuna d'aver enqüèra lo lor ostau e un pauc de tèrra a l'entorn ne supòrtan pas l'idea d'aver l'èrba tota brutlada per lo sorelh.

E, com son d'òmes de decision, que hèn pulverizar sus l'èrba ua mena de pintura que balha a l'èrba jauna ua beròia color verda… que ten quauque temps ! Atau que son urós !

Aquò que'm hè sovénguer que, dens ua auta vita, acompanhavi drollets en Anglatèrra cada annada. E que balhavi explicacions suus ostaus, suus monuments e… suu campèstre.

E coma l'èrba es generaument mei verda en Anglatèrra que non pas en çò nòste, que disèvi aus drollets que, a cada prima, los Anglés que prenguèvan pincèus e pintura verda ende pintrar l'èrba e muishar atau aus visitors que debarcavan a Dover o Southampton o enlòc mei – Gran Bretanha qu'es ua isla – que l'èrba anglesa èra totjorn verda ! Que ne i avèva totjorn un ende demandar a un collèga se çò que disèvi èra vertadèr o pas.

Que hasèvi aquò un pauc mei de trenta ans a…

 

E vedetz que , en çò deus Estatsunidencs, la realitat que passa la fiction !

Repost 0
Andriu de Gavaudan - dans Curiosa
commenter cet article
8 septembre 2012 6 08 /09 /septembre /2012 17:26

Lo mestièr mai bèl del monde…

 

Vòli pas dire mas, a cada dintrada, avèm la meteissa sansòina ! D’acòrd, ongan es benlèu un pauc diferent per çò qu’avèm un governament novèl que nos a promés de metre l’accent sus l’educacion…

Cal pas pr’aquò se far d’idèas ! Per diferentas rasons : una es que aquesta dintrada es estada preparada pel govèrn precedent qu’aviá, de segur, una apròcha liberala de la causa ; l’autra qu’es encara mai importanta : l’Estat es dins la panada e manca de moneda d’en pertot.

Alavetz, nos pòdon ben dire que l’educacion es la prioritat de las prioritats, e que l’impossible es ja fach, sabèm que, pels miracles, calrà esperar !

Amb la supression d’un fum de pòstes al cors de las annadas passadas, l’efectiu dels escolans per classa a crescut e es corrent de constatar que son un trentenat de drollets tre la sieisena – e encara parli pas de l’escòla primària !

Los professors an tornat trobar – pas totes – qualques oras de formacion mas empacha pas que se tròban fàcia a un public divèrs e variat e qu’es pas totjorn aisit de ne far quicòm.

Los parents son venguts mai exigents, crisi obliga, mas son nombroses los que pòdon pas ajudar lors drollets. E, tròp sovent, l’Educacion nacionala fornís pas de possibilitat d’ajuda après la classa dins lo quadre del collègi o del licèu. Las causas am cambiat mas son d’activitats que còstan, ò pas gaire !, d’argent. E d’argent…

Pendent qualque temps van aver, dins la premsa e sus la ràdios o las televisions, de que nos abeurar sus l’educacion e çò que deuriá èsser per èsser perfièch ; suls professors e lors mancas, etc.

Le Monde d’anuèit – dissabte 8 de setembre – balha los « dètz comandaments » del professor de l’ora d’ara. Paures ! Amb de jornadas que fan sonque vint e quatre oras e de setmanas que fan pas mai de sèt jorns, es a se demandar quand lo professor aurà lo temps de se pausar per manjar e dormir o per s’ocupar un pauc de sa familha, se, per cas, n’a una.

Vertat es que son pas que professors e que o son venguts après un concors dificil ; son pas coma nòstres deputats e senators qui, per la gràcia de l’esperit republican – mai eficaç que lo Sant-Esperit ? –, an la capacitat de far tres o quatre – o mai – mestièrs d’elegit a l’encòp.

 

Cronica occitana

Le Petit Belu de Lot-et-Garonne

Dimenge, lo 9 de setmbre de 2012

 

 

Repost 0
Andriu de Gavaudan - dans Anar del mond
commenter cet article
7 septembre 2012 5 07 /09 /septembre /2012 11:25

Que vengui de tornar legir quauques pèças de Antony Tozy (1852-1911) vadut « un matin d'estiu per seguèros » e passat « per las batèras ». Las soas pèças en francés  ne son pas meishantas tanpauc.

Aquesta qu'estó publicada en apondon dens lo recuèlh Fablos putsados a la houn publicat en 1934.

 

 

LES PALMES ACADÉMIQUES

À son Excellence, monsieur le Ministre de l’Instruction publique


Et, prenant dans ses mains les palmes symboliques,
Il en jeta, jeta, par morceaux fantastiques



        Et, de son geste capricieux,
        Par dessus la foule impatiente,
        Au nord, au midi, en tous lieux,
    4    Tombe la manne bienfaisante.
        Or, deux frappés dans la quinzaine,
        Pour Nérac c’est un beau denier !
        Par grâce donc, Monsieur Chaumié,
    8    N’en jetez plus, la cour est pleine.


        Comment cela finira-t-il ?
        Devant cette trombe moirée,
        Las populations en péril
    12    Se sauvent toutes apeurées,
        Et sur les monts et dans la plaine
        On n’entend que des gens crier :
        N’en jetez plus, la cour est pleine,
    16    N’en jetez plus, Monsieur Chaumié !


        Grand Dieu, qu’allons-nous devenir ?
        Pour se garer, plus de refuge ;
        Serait-ce un moderne Déluge
    20    Qui s’en viendrait tout engloutir ?
        Hier, on les comptait par centaines ;
        Aujourd’hui, ce sont des milliers ;
        N’en jetez plus, la cour est pleine,
    24    N’en jetez plus, Monsieur Chaumié !


        C’est Pierre, c’est Paul, c’est Alban
        Devant le flot, rien ne résiste.
        Celui qui en apprendrait la liste
    28    Gagnerait cent fois le ruban ;
        Et ce serait chose inhumaine
        S’il fallait que vous l’augmentiez ;
        Croyez-moi donc, Monsieur Chaumié,
    32    N’en jetez plus, la cour est pleine !


        Vous me direz certainement,
        Et je vous croirais sur parole,
        Tout ça c’est de l’entraînement
    36    Et le Ministre est dans son rôle.
        Mais c’est trop, la chose est certaine
        Il vaut mieux que vous résistiez.
        N’en jetez plus, la cour est pleine,
    40    N’en jetez plus, Monsieur Chaumié !

        Pour autant qu’on soit intraitable
        On est si fier de les avoir ;
        Ne pouvant fuir l’inévitable
    44    On les accepte par devoir.
        Puis, tout d’un coup, on se démène,
        On viendrait vous baiser les pieds ;
        N’en jetez plus, la cour est pleine,
    48    N’en jetez plus, Monsieur Chaumié !


        Cependant, s’il vous faut encore
        Semer pour augmenter le stock
        Des résignés que l’on décore,
    52    Vous pourriez opérer en bloc !
        Mais, à ce jeu, on se surmène ;
        Il faut que vous réagissiez.
        Donc, croyez-moi, M. Chaumié,
    56    N’en jetez plus, la cour est pleine !


        Ne pourriez-vous prendre une ville
        Un canton, un département…
        Et, d’un geste simple et facile,
    60    Bâcler le tout en un moment ?
        Mais vous auriez peut-être la veine
        D’y rencontrer un oublié.
        Donc, croyez-moi, la cour est pleine,
    64    N’en jetez plus, Monsieur Chaumié !


        Même pour avoir de l’avance
        C’est ça qui serait « époilant » :
        Vous pourriez, sur toute la France
    68    À la fois, jeter le Ruban !
        Mais, si bizarre est l’âme humaine
        Que, cherchant un nouveau record,
        On entendrait à perdre haleine
    72    Des voix crier : jetez encor.


        Alors, d’une grandeur Papale,
        Pour aller enfin jusqu’au bout
        Vous pourriez, œuvre magistrale,
    76    Palmer la terre d’un seul coup !
        Mais voyez où ça vous entraîne…
        Croyez-moi donc, mieux vaut trier,
        Car, voyez-vous, la cour est pleine,
    80    N’en jetez plus, Monsieur Chaumié !


        Vous feriez chose inopportune,
        Car, devant cette inondation,
        Ce serait alors de la lune
    84    Que viendraient les réclamations !
        Il vous faut donc briser la chaîne
        N’écoutez plus les gens « à pied » ;
        N’en jetez plus, la cour est pleine,
    88    N’en jetez plus, Monsieur Chaumié.


            Envoi


        Et puisque l’École Gasconne
        En a déjà fait son profit
        N’en envoyez plus à personne,
    92    Nous les avons et ça suffit.
        Ne vous mettez donc plus en peine ;
        Dormez le nez sur vos dossiers.
        Et, croyez-moi, la cour est pleine ;
    96    N’en jetez plus, Monsieur Chaumié.

 

 

• Joseph Chaumié [Agen, 1849 – Clermont-Dessous, 1919] : avocat, ministre de la Justice (21 janvier 1905 – 13 mars 1906).

Escolo Gascouno de Marguerito apitada en 1902 – en seguida a la Senta Estèla de Pau – e qui avó ua activitat extraodinària pendent au mens un quinzenat d'annadas.

Repost 0
Andriu de Gavaudan - dans Literatura
commenter cet article
6 septembre 2012 4 06 /09 /septembre /2012 15:31

Que i avèva longtemps que n'avèvi pas  balhat un tèxte de Antony Tozy 1852-1911). Literatura

Qu'a escriut pèças en francés tanben, pareishudas dens Dens las sègas devath Chansons et monologues.

 

 

 

 

 

 

 

 

 

 

 

 

NOCTURNE


        Sous un parapluie de taff’tas,
        Elle allait marchant à grands pas,
        Quand, tout à coup, sur l’ cours Romas
    4    J’aperçus sa sombre silhouette,
        E moi qui flânais par hasard,
        Devant l’étalage d’un bazar,
        Je la suivis comm’ un jobard
    8        Rue d’ Lafayette.


        Le jupon noir bien retroussé,
        Elle avançait d’un pas pressé,
        Et, à sa démarch’ cadencée,
    12    Moi, je m’disais : « Sur ma parole
        Cette femme doit avoir du sang,
        C’est un sujet appétissant,
        Faut trouver un aboutissant,
    16    Sans le secours du protocole. »


        Mais j’avais beau faire du ch’min
        Elle marchait tant, sous son pépin,
        Que, sacré mille nom d’un mâtin,
    20    Je ne pouvais voir sa frimousse.
        Et, dans l’espoir de l’embaucher,
        J’avais beau tousser et cracher
        Ell’ ripatait sans trébucher
    24    Comm’ si j’y avais fichu la frousse.


        Comm’ des oiseaux à la volée,
        Nos deux carcasses emballées
        Suivir’nt le long des Grand’s allées
    28    Course fantastique et bizarre !
        Et j’allais murmurant tout bas :
        « Tu l’attap’ras, l’attrap’ras pas,
        Tu l’attrap’ras ou tu crèv’ras,
    32    Faut qu’ tu l’attrap’s avant la gare. »


        Sur ses talons, moitié perclus,
        J’enfilai la longue avenue,
        Mais elle était si bien fendue
    36    Qu’elle conserva son avance.
        Et quand nous entrâm’s dans la cour
        Sous la pluie qui tombait toujours,
        Je voyais son gracieux contour
    40    Toujours à la même distance.


        Et je m’ disais : « Mon vieux colon !
        Il faut qu’elle en ait du poumon,
        Cette femme-là, c’est donc le démon,
    44    Pour déambuler de la sorte. »
        Et, sous l’averse et dans la boue,
        Haletant, poussif, moitié fou,
        Je la suivais comme un toutou
    48    Attiré par une odeur forte.


        La gare était là heureus’ment,
        Nous arrivons presque en mêm’ temps.
        Elle entre, sans perdre un moment
    52    Sur ses pas je me précipite.
        « Enfin, me dis-je, c’est pas trop tôt
        La v’là qui retir’ son manteau,
        Tu vas donc lui voir le museau
    56    A cett’ beauté cosmopolite.


        Je la vois s’avancer d’un guichet,
        J’ m’approche alors pour voir ses traits.
        Malédiction ! J’ vois son portrait,
    60    Et j’ frémis encor quand j’y pense.
        Ah ! plaignez-moi, mes chers amis,
        Car, dans la crotte et sous la pluie,
        La femme que j’avais suivie,
    64    C’était le curé de Durance.

 

(en italic, las carrièras de Nerac mençonadas.)

 

 

L'eperavatz aquera ?

Repost 0
Andriu de Gavaudan - dans Literatura
commenter cet article
4 septembre 2012 2 04 /09 /septembre /2012 12:28

Senators en resisténcia !

 

P. Camani, president deu conselh generau e senator d’Òut e Garona que ven d’ac díser sens ambiguïtat dens la premsa : « Que pensi que l’acumulacion deus mandats deu estar suprimida ; […] que permeterà ua rejoenida de la classa politica. Que votarèi donc la lei damb estrambòrd… » N’èi pas consultat tota la premsa exagonau entà conéisher l’estrambòrd de tots los senators socialistas mès, de segur, demest los que seguiràn la decision – d’aubuns parlan de diktat ! –  presa a la demanda de M. Aubry, l’estrambòrd es mesurat ; quauques cacics – Rebsamen, Coulomb… –, deu cursus electorau eloquent e expèrts in acumulacion, que’s susmautan e tornan avançar arguments definitius a cada còp quan se parla deu mandat unic : « Un deputat, e enqüèra mei un senator qui es un elegit de las collectivitats locaus, que deu aver un mandat locau entà ne doblidar pas los problèmas deu pòble, etc. » Sonsaina qu’èi totjorn entenuda. Entaus nòstes deputats e senators, l’acumulacion ne pòt pas servir son que la democracia ; los conflictes d’interès eventuaus n’existeishen pas e que deurem estar vergonhós de gausar parlar de clientelisme o de moneda… L’interès solet deu pòble qu’es a préner en consideracion, e se los electors e vòtan ende eths qu’es ua pròva irrefutabla deu lor devoament ! Que coneishèvam un « pas de senator », un « traïn de senator » ; que vam aver un « combat de senator ». E la resisténcia que s’organiza, au deguens deu P.S. e demest los elegits entà votar ua lei a minima. Sus aquel punt, essenciau entà la nòsta vita republicana !, los Rebsamen e los Copé  que hèn causa comuna.  « Solidaritat santa de l’artesanat » cantava lo Brassens. Ne soi pas segur que lo govèrn s’i escaderà o que n’aurà la volontat ; qu’a besonh deus senators e aquestes qu’ac saben !

 

Edotoriau de La Setmana, n°883

Repost 0
Andriu de Gavaudan - dans Anar del mond
commenter cet article

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca