Overblog Suivre ce blog
Administration Créer mon blog
17 décembre 2011 6 17 /12 /décembre /2011 16:12

La tripla A e los illusionistas…

 

Vòli pas dire mas… per Nadal, al mens, poirem beure de champagne o de blanqueta de Limós sens aver l’impression de n’èsser a nòstre darrièr repais. Quitament se los comentaris son pas plasents – es lo mens que se pòsca dire ! – las agéncias de notacion nos an pas tirada la tripla A…

E vaquí nòstre president e son govèrn requinquilhats per una estona e lo ministre de l’economia, François Baroin, cor micròs e camèras per tornar dire que la politica economica de França s’inscriu dins la durada, etc. Per un pauc, se daissariá anar a dire, coma De Gaulle o diguèt en son temps, que « la politica se [fa] pas a la “desca” ».

Sabi ben que la menaça demòra e que passarem pas l’ivèrn o la  prima, coma disiá l’autre ; pasmens, se vei que França es un grand país e totes aqueles professors d’economia an pas gausat li far escarni ! O que li an volgut far creire al paire Nadal…

La tripla A es quicòm mas las questions financièras nos passan al dessús, al mens per de monde coma ieu que se contentan de ganhar sa vida e que son pas al fial, quitament se trabalhan amb un ordenador, de totas las questions economicas. Nòstres politicians an d’equipas qu’elabòran de tèsis, que fan de sintèsis per lor permetre de s’invitar sul fenestron e de nos porgir chifras a ne balhar lo tornís.

E coma an gaireben que de jornalistas mai prèstes a servir la sopa que non pas a pausar questions suplementàrias quand son pas satisfaches, pòdon aital – e nòstre president lo primièr ! – far los bèls bèls e… convéncer los mai creduls de la justesa de lor rasonament.

M’an totjorn dich que los regents e professors devián jogar la comèdia cap als drollets e collegians se volián far passar la matèria ; o cresi. N’es aital dels politicians cap als electors ! Nos jògan la comèdia ; e ne i a de totes, de bons e de mens bons ! I a pr’aquò una diferéncia : eles, i an un interès personal.

Fòrt d’aquel succès momentanèu, nòstre president tant aimat va daissar passar la « trèva dels confiseires » abans de nos tornar impausar un autre plan de rigor e d’austeritat ; tot aquò, de segur, al nom de nòstra bona santat economica a venir.

Marcharà, marcharà pas ? En esperar, se o podèm, seriá bon de far plaser, de se far plaser e de ne profiechar…

 

Cronica occitana

Le Petit Bleu de Lot-et-Garonne

dimenge, lo 18 de decembre de 2011

Repost 0
Andriu de Gavaudan - dans Anar del mond
commenter cet article
16 décembre 2011 5 16 /12 /décembre /2011 10:58

Vòli pas dire mas… nos prenon de de piòts !

Es pas quicòm de  novèl, o sabi…

Pendent meses, lo Nicolas a mostrat lo morre sul fenestron per nos dire qu'EL, e pas un

autre, trabalhava nuèch e jorn, a sauvar l'euro e Euròpa ; la prauba Angela Merkel fasiá pas que seguir… Urosament que Nicolas aviá lo nhac (la gniaque, coma dison los francoparlants exagonals !)

E ministres e deputats Ump de trompetar als quatre vents e mai encara que lo sol, l'unic, l'excepcional capable de nos tirar de la fanga – per pas dire de la mèrda ! – èra lo president que presidavva ara ! L'autre, lo socialista – los autres son pas de comptar –, que gausava aver la pretencion d'èssser un jorn « president », fariá, de segur, la malaür de França, dels Franceses e de totes los autres.

E vlan ! de plan de rigor en plan d'austeritat per plàser los « Mercat-dius » qu'autrejan la tripla A – e la triploïda per las ustras –, après nos aver dich que èram pas piòts coma los Grècs e que Nicolas èra pas un clòne de Berlusconi o DSK, nos dison ara que la pèrda d'aquela decoracion AAA seriá pas un afar catastrofic, que nos en sortiriam tot parièr.

Aquesta matin, aprenèm pels mèdia que la tripla A seriá tirada per Nadal e que l'an que ven veirà lo poder de crompa del Francés « mejan » baissar de sièis a sèt del cent (6%-7%).

Lo que se vei dejà califa a rason de far pas tròp de promessas ; s'es elegit, li caldrà, el tanben, prene de mesuras de rigor e d'austeritat…

E nosautres que siam « drechièrs » o « esquerrièrs », nos calrà ben las doas mans per conservar lo cap fòra de l'aiga…

Repost 0
Andriu de Gavaudan - dans Vida vidanta
commenter cet article
15 décembre 2011 4 15 /12 /décembre /2011 10:20

Charlie Hebdo autan coma le Canard enchainé que son setmanèrs respectables.

Totun, ne son pas coneishuts tà la lor sensibilitat regionalista…

Que legeishi Le Canard enchainé desempuish mai de cinquanta ans pr'amor que'm conveng en generau e que denóncia causòtas qu'un aute medium ne denóncia pas.

Dens la numèro d'aquesta setmana (14 décembre 2011), que i a un article titolat

« Grimberger met le français en bière ».


Aqueth article denóncia l'actitud d'una comuna bèlga de Brabant, au ras de Brussèlas, que 20 deu cent deus poblants e son francofòns. La municipalitat que ven  de demandar aus sos administrats de denonciar los que parlen francés.

L'argument de la consola  qu'es que : « Lorsque beaucoup de citoyens issus d'autres cultures ne s'expriment pas dans la langue de la région, cela risque de mettre en péril le tissu social de la commune. » E de balhar com exemple lo cas d'ua mair qu'es anada lo jorn d'avant, dens ua escòla, « tà demandar ua plaça tà lo [nòste] dròlle » ; tot en francés.

La consola, Dna Marleen Mertens, n'es pas  ua extremista deu Vlaams Belang mès qu'aparten au partit deu president deu Conselh europèu, Herman Van Rompuy. E, en conclusion deu son aperet a la delacion, que ditz : « Il est bien entendu que tout habitant est totalement libre d'utiliser la langue de son choix dans la sphère privée. »

 

La conclusion deu Canard enchainé qu'es : « Alors, parler français ? Derrière sa porte close, c'est oui. Mais, dans la rue flamande c'est nee. »

 

 

Ende jo, que i a duas causas de notar :  

La situacion hèita a la lenga francesa qu'es insuportabla e lo Canard qu'a rason d'ac denonciar. La libertat d'emplec de la soa lenga a l'ostau qu'es un argument que los Francés monolingües emplegan cap a nosauts

La conclusion deu Canard qu'es de meditar tanben…

 

 

 

Los Occitanistas que pòden escríver au Canard tà denonciar la situacion hèita a l'occitan !

 

 

 

Ai enviat un corrièl al Canard per li far remarcar aquò :

 

redaction@lecanardenchaine.fr

 



Je suis entièrement d'accord avec votre dénonciation de l'attitude de la mairesse flamande et je suis aussi d'accord avec la conclusion que vous apportez.
MAIS… puis-je vous rappeler que les locuteurs des langues historiques de France – alsacien, breton, basque, catalan, corse, flamand,  franco-provençal et OCCITAN [auvergnat, limousin, vivaro-alpin, languedocien, provençal, gascon] (aire linguistique : 32 départements du Sud de la France), que je m'honore de parler, d'écrire et d'avoir enseigné – ces locuteurs, dis-je, entendent exactement les mêmes arguments de la part des francophones hexagonaux divers et variés et monolingues pour beaucoup.
Ces gens-là (cf. Jacques Brel !) dénient toute existence a nos langues historiques (dites aussi « régionales ») au nom de l'intangibilité de la nation, etc.
Pour m'en tenir à la langue occitane (appelée aussi « langue d'oc » mais auparavant « limousin » ou « provençal »), ce serait, je n'en doute pas, vous faire injure que de vous rappeler qu'elle est au moins aussi ancienne que la langue française (d'oïl) et que la lyrique des troubadours a constitué la première littérature européenne dès l'an 1100.
Aujourd'hui, la langue est certes bien mal en point et les « gens de Paris » (pouvoir gauche  et droite réunis, Académie française, etc.) voudraient bien qu'elle mourût ; elle n'en a pas moins encore une littérature qui ne fait point honte à la littérature française par sa qualité sinon par sa quantité (nous avons aussi des "horreurs" bien entendu).
Je suis de tout cœur avec vous dans la défense de la langue française mais je souhaiterais aussi vous voir défendre les autres langues et cultures de France et non les traiter par dessus la jambe.
Si la défense de la langue et de la culture françaises doit passer par l'écrasement et l'anéantissement des langues et cultures historiques de France, alors, il ne faut pas s'étonner de voir que certains (surtout les Anglo-Saxons mais dans ce cas, les Flamands) veuillent lui tailler des croupières…
Je reste à votre disposition

Salutations distinguées et canardesques

 

 

Responsa recebuda deu jornalista del Canard enchainé, Sorj Chalandon :

 

Merci pour votre message,
 
Pendant 32 ans passées à Libération, je n'ai cessé de dénoncer la main-mise du français sur les langues régionales ou les langues nationales sans Etat. Et cessé non plus de parler de Diwan, des Ikastola et des combats (corse notamment) pour la dignité de la langue.
 
Sauf qu'en l'état, cette mairesse flamande s'en prend au français. Et un journaliste sait qu'on ne peut pas mettre quinze idées dans un seul papier - c'est ce qu'on appelle l'angler. Imaginez mon article avec une incise disant: elle a bien raison de s'en prendre au français étant donné que l'Etat français lui même s'en prend à l'Occitan...
 
Oups! Tout brouillé et la balle au centre...
 
Désormais au "Canard", ma vigilance pour les langues "minoritaires" est intacte, et s'exerce librement.
 
J'espère que vous pourrez le constater lorsque l'actualité nous y contraindra...
 
Kenavo ar vechal, comme on dit dans le Finistère.
 
Et à mercredi.
Sorj Chalandon

 

Responsa que li ai facha :

 

Car sénher,

Mercé plan per vòstra responsa
Èra pas criticar per criticar… soi tanben jornalista en lenga occitana e sabi que òm pòt pas tot mesclar (mélanger)
Soi content de legir que, al Canard tanben (aussi), ne i a que son conscients del problèma.

Coralament / Amicalement

Repost 0
Andriu de Gavaudan - dans Curiosa
commenter cet article
14 décembre 2011 3 14 /12 /décembre /2011 00:52

Avètz dich : espaurugal ?

 

Vòli pas dire mas fa tant de temps que costejam lo precipici qu’avèm pas pus lo vertigi ! Cada jorn – a còps mai – vesèm nòstre president tant aimat far de declaracions sul fenestron e dins totes los autres mèdias per nos dire que venèm, gràcia a son nhac e a son obstinacion d’escapar a la casuda als infèrns. Lo problèma es que, quitament s’a rason e se nos rendèm compte – sèm pas complètament piòts ! –  que poiriá anar melhor, son insisténcia fa que degun o crei pas mai. Après tot, digun l’a pas forçat a far lo president, çò dison las gents ; sens negar las dificultats degudas a la crisi economica, fa pas que son trabalh ! Ne ven parlar al fenestron, un obrièr que fa son trabalh ? Lo president-pas-encara-candidat abarreja los genres sens vergonha. Denigra lo candidat socialista que seriá pas a l’auçada d’un òme d’Estat autan per sas opinions coma per son abséncia d’experiéncia. Es plan ajudat per son pòrtaespalda, lo « sinistre » de l’Interior e qualques autres – coma Bachelot que cresiái mai aluserpida – qu’esitan pas jamai a dire contravertats dins los mèdias avant de se desdire  en petit comitat. Elegància dels coards ! Tot es bon per servir d’espaurugal : lo vòte dels estrangièrs a las eleccions municipalas, los fraudaires a las allocacions divèrsas, los comitats d’entrepresa – RATP, EDF, etc. – corromputs e degalhièrs, sens dolbidar, a l’esquèrra los afars de prevaricacion e autres trafecs d’influéncia. Vertat es que lo « partit de govèrn » de l’Esquèrra sembla prene plaser a se far donar lo baston. S’es pas encara resignat a far son aggiornamento per çò que concernís sas mors politicas… Nos van demandar totes de lor balhar carta blanca per cinc annadas per çò que la politica es un mestièr. Dison qu’es aquò la democracia !

 

Editorial de La Setmana, n°846 

Repost 0
Andriu de Gavaudan - dans Anar del mond
commenter cet article
10 décembre 2011 6 10 /12 /décembre /2011 13:42

Avètz dich : espaurugal ?

 

Vòli pas dire mas… costejam lo precipici desempuèi tant de temps que las  gents  i creson pas mai. Cada jorn – a còps mai –, vesèm nòstre president tant aimat cap als micros e a las camèras per nos dire que venèm, gràcia a son nhac e son obstinacion d’escapar a la casuda als infèrns… L’Angela Merkel es pas de comptar, se li fasèm fisança !

Lo problèma es que, quitament se a rason e quitament se nos rendèm compte – sèm pas completament piòts ! – que poiriá anar melhor, a fòrça de nos voler far creire que se despensa sens comptar per nosautres e França, i cresèm pas pus.

Après tot, es el qu’a volgut èsser president, e un president iperactiu. Fa pas que son trabalh de president ! Vertat es qu’es un paus mai complicat que quand l’economia marcha plan, quand los patrons son de « bisounours » e los sindicats organizan pas de caumas. Mas Nicolas e totes los autres, drecha e esquèrra amassa, son pas de plànger… Quand un obrièr fa son trabalh coma cal, ven pas parlar al fenestron per o dire…

 Donc, vesèm nòstre president, qu’es pas encara candidat, denigrar sos adversaris e subretot lo candidat socialista qu’auriá un comportament deplorable, pas a l’auçada d’un òme d’Estat ; sens parlar de la critica del programa socialista. Seriá de bona guèrra foguèsse candidat mas esita pas nòstre president a enganar son monde ! Per aquò far, es plan segondat per sos pòrta-espaldas e son « arma damnada » Claude Guéant, lo « sinistre » de l’Interior ; se i es venguda apondre la Roselyne Bachelot que pensavi mai aluserpida.

Per combatre lo projècte, vièlh de trenta ans ! – del vòte dels estrangèrs a las eleccions municipalas, un coma l’autra an pas esitat a contar faribòlas sul fenestron – qualques mlièrs de telesepectators – quitament se se son desdiches dabans los deputats – un detzenat en sesilha – lo lendeman. An gausat dire, sens èsser desmentits que se votavan, los estrangièrs poirián venir conse de la comuna e participar a l’eleccion dels senators en qualitat de grands electors… Mai es gròs mai es bon ! Çò mai grèu es que lo ministre de l’Interior sembla ignorar lo drech autan coma la Roselyne ; Ensajatz de far parièr vosautres !

L’equèrra pr’aquò sembla prene plaser a donar d’armas a sos enemics politics : l’escandal de la familha Guerini a Marselha, la suspicion d’un escandal en lo Pas-de-Calais…

Òm s’estona que los Franceses se destacan de lors òmes politics que quitan pas de dire que se dedican a França, a la region, al departament…e que velhan – pas totes de segur – sustot a lors interèsses e a lor reeleccion.


 Cronica occitana

Le Petit Bleu de Lot-et-Garonne

dimenge 11 de decembre de 2011

 

Repost 0
Andriu de Gavaudan - dans Anar del mond
commenter cet article
7 décembre 2011 3 07 /12 /décembre /2011 23:37

Vos aviái balhat lo resultat del prèmi Pau-Froment ; çai-jos l'avís de parucion per los que son interessats.

 

 

Avis de parucion

 

 
Miquèl Destieu      L’èstre / La chose


L’èstre, en langue d'oc, c’est l'être, et aussi ce que l'on ne peut nommer : la chose, le machin, le truc, et « Chose » s'il s'agit d'une personne.
Le parcours de Michel Destieu s'inscrit sous le signe de cette ontologie particulière.
L'univers nord-agenais de l'enfance où la langue et l'élan des tertres ne font qu'un, est
en même temps celui où rien, déjà, ne coïncide, où tout s'illumine et se perd dès l'origine.
Et « Chose » là-haut, d'appel en absence en appel en absence, est prié de venir voir
comment ça se passe.
 Il y a encore toutes ces voix, en patois, de ceux qui n'ont même plus de nom, mais qui
mènent sans doute au plus loin la quête à partir du désastre. Dans la résonance à la fois
familière et lointaine de la langue.
C'est dans cette langue, dans sa langue, que Michel Destieu, entre âpreté et tendresse,
« ferraille » sur l'enclume des jours,  pour y tordre l'èstre.
 

 

J-P Tardif

 

136 pages au format 14 x 21, 11 € (+ 2 € de port)

 

Commande à :

 Gros Textes
Fontfourane
05380 Châteauroux-les-Alpes
(chèques à l’ordre de Gros Textes)

Repost 0
Andriu de Gavaudan - dans Literatura
commenter cet article
6 décembre 2011 2 06 /12 /décembre /2011 14:14

« Fotetz me lo camp, canalhas… »

 

Dens las cent dètz proposicions deu candidat F. Mitterrand a l’eleccion presidenciau de 1981, que i avèva la « reparacion istorica » devuda a las lengas « regionaus » de França. Ende aquò, qu’obtengó las votz deus Occitans ! Ne podem pas díser totun que la « reparacion » es estada plan hèita, quau que sia lo president elegit e lo govèrn en plaça.

Que i avèva tanben la promessa – hèita tornar en 1988 – entaus estrangèrs, en situacion regulara e presents suu territòri de la Republica desempuish bèra pausa, de poder prénguer part a las eleccions municipaus – e quitament d’estar elegit.

Mès, se s’acarèt, gràcia a la determinacion de R. Badinter aus partisans a la pena de mòrt, majoritaris a l’epòca, ne gausèt pas afrontar l’opinion e los sos electors suu vòte deus estrangèrs. Que i renonciè en díser que los Francés n’èran pas enqüèra pro madurs ! N. Sarközy, que n’a pas jamei mancat de hitge, qu’a un avís cambiadís segon lo vent… electorau. Desempuish 1992, los ressortents de l’Union europèa solets qu’an aqueste dret. Eths que son, a priori, bons immigrats !

Vertat es tanben que la Dreta que n’es damorada a la linha blava de las Vòsges e, a còps, a « Maréchal, nous voillà ! » ; ne son pas las posicions de l’Esquèrra tanpauc en general que haràn avançar las causas. Tot aquò au nom deus ligams enter la Nacion e los ciutadans.

Autes còps, l’immigrat que sabèva que ne tornaré pas a casa e que demandava generaument la soa naturalizacion. Ara, que ven ende víver miélher, e damb l’espèr de tornar au país… un jorn. Qu’ac hèn dejà los dròlles deus nòstes « eleits » qu’estúdian dens las universitats estatsunidencas, non ? Sovent, que i demoran damb la dobla nacionalitat…

A nòste, qu’es meilèu : « Estrangèr, tira’t d’aciu… » com cantava lo gran Georges !

 

Edotoriau de La Setmana, n°845

Repost 0
Andriu de Gavaudan - dans Anar del mond
commenter cet article
3 décembre 2011 6 03 /12 /décembre /2011 16:15

« Estrangièr, tira-te d’aquí… »

 

Vòli pas dire mas, personalament, comenci de n’aver mon confle… d’aquela campanha presidenciala qu’es per durar encara qualques meses !

E òc, deu èsser l’atge o… lo temps d’ivèrn que s’apròcha o… los programas del fenestron que m’agradan pas ; te sabi, ieu !

Los que son un pauc pus vièlhs se’n sovenon e, de segur, los joves que seguisson la vida de la Ciutat – es çò que vòl dire politica – an de bonas lecturas ; François Mitterrand l’aviá mes dins sas cent dètz proposicions, e òc ! amb lo dever de « reparacion istorica » cap a las lengas regionalas (occitan, breton, etc.).

Sabèm totes çò que n’es advengut de la « reparacion istorica » un còp qu’aguèt reçauput las voses dels Occitans… Altzheimer, dejà ?

L’autra proposicion – èra la 80na – que veni de mençonar èra la possiblilitat pels estrangièrs en situacion regurala, e presents dempuèi un brave temps sul territòri e la Republica, de poder prene part a las eleccions municipalas.

Se s’acarèt, gràcia al sosten de Badinter, als partisans de la pena de mòrt, majoritaris a l’epòca, gausèt pas afrontar l’opinion sul vòte dels estrangièrs.

A l’ora d’ara, sols los estrangièrs venguts d’un país  de l’Union europèra an lo drech de votar e d’èsser elegit mas los autres, nani !

E, se la Drecha es majoritàriament contra, l’Esquèrra, malgrat qualques discorses, i va dapasset dapasset… al nom, pels uns e pels autres, dels ligams teissuts entre la Nacion e los ciutadans ; França – sos òmes politics, de segur!  – a totjorna aimat los estrangièrs franceses, e encara !

Autres còps, pausava pas de problèmas. L’immigrat sabiá generalament que tornariá pas jamai dins son país e demandava a venir Francés ; ara, ven per viure melhor – coma autres còps – mas a l’espèr de poder tornar al país e lo besonh d’una naturalizacion es mendre. En encara parli del parcors del combatent per obtenir la nacionalitat francesa…

En mai d’aquò, vesi pas perque poiriam pas aver la dobla nacionalitat o, tot simplament, la nacionalitat europèa. Corri la risca de paréisser reborsièr benlèu mas, Francés per escasença, vesi pas perque limitariái ma nacionalitat a l’exagòn !

L’encloscatge – en francés : « lavage de cerveau » – contunha de marchar plan, subretot en periòde electoral e nòstres òmes politics participan a aquela comèdia del mite francés, eles que meton lors dròlles – pr’amor qu’an d’argent – dins las escòlas estatsunidencas o autras.

E totes aqueles ipocritas an la boca plena del mot : integracion !

Aimi mai ne rire que’n plorar e cantar amb Brassens que fa parlar un Francés franofrancés (sic) : « Estrangèr, tira-te d’aquí si que non soni lèu lèu los cans e los gendarmas… »

 

 Cronica occitana

Le Petit Bleu de Lot-et-Garonne

Dimenge, lo 4 de decembre de 2011

 

Repost 0
Andriu de Gavaudan - dans Anar del mond
commenter cet article
2 décembre 2011 5 02 /12 /décembre /2011 11:33

França qu'es un gran país, qu'ac sabem tots !

Mai enqüèra qu'en los Estats Units, tot qu'es gran, quitament lo nòste president que, com ac disèvan lo monde de Naopleon : « Maugrat la soa talha petita, qu'es un gran òme ».

Ne podem pas díser que la fauta ven deu nòste president o deu  nòste Prumèr ministre que, tots dus, e's son hèits los representants de comèrci d'aquela interpresa privada que viu, e hèra plan, damb las comandas de l'Estat dempuèi… bèra pausa !

Lo patron d'aquera enterpresa ne's priva pas jamei, dins la premsa, de díser tot lo mau que pensa de tots aqueths foncionaris – sindicalistas, jutges, etc. – que los Francés pagan hèra plan e que ne hèn pas pas lo lors trabalh e son totjorn en cauma.

Après cinc ans de « sarkozia », ne son pas convençuts que ganharàn mei se trabalhan mei !

 

França qu'es un gran país !

Qu'es lo país deu concors Lépine que recompensa los inventors de tota mena.


Qu'es atau que lo nòste gran país a inventat – ende se'n téner a las annadas d'après la Segonda guèrra mondiau – lo procediment de television mei modèrne que s'apèra SECAM, l'avion supersonic Concorde, l'avion de combat Rafale e, de segur que ne'n devi doblidar hèra d'autas.

Totun, que i a un problèma damb aqueras invencions ;

• Lo procediment de television SECAM (séq[uentiel] à m[émoire]) qu'èra plan melhor que los dus autes.

Lo NTSC (National Television System commitee) emplegat en Los Estats Units, Canada e Japon qu'estó batiat per los sos utilizators : « Never The Same Color » system (jamei la medisha color).

Lo PAL (Phase Alternating Line) qu'es un melhorament deu NTSC.

Lo procediment Secam qu'estó adoptat per quauques ancianas colonias a l'epòca mès n'estó pas jamai quaucomet de rentable…

 

• L'avion supersonic Concorde;meravilha de la tecnica, meravilha de… qu'estó un fracàs comerciau.

 

• L'avion de combat Rafale ne s'es pas jamei venut a nat país, levat França !

Curiós que degun ne'n vòlia… De tota faiçon, l'Estat francés qu'a totjorn encoratjat los creators ; qu'es atau que crompa, sens aperet d'aufèrtas, l'avion de las usinas Dassault, enterpresa privada que viu hèra plan gràcias a  la nòsta moneda.


Monsieur Dassault qu'a plan rason de criticar l'Estat au travèrs deus sons foncionaris ; senator, que vòta los crèdits ende crompar los sons avions e Dreta e Esquèrra ne l'an pas jamei abandonat.

Lo patriotisme qu'a enqüèra un sens !

Repost 0
Andriu de Gavaudan - dans Anar del mond
commenter cet article
29 novembre 2011 2 29 /11 /novembre /2011 12:09

Avètz dich : diversitat ?

 

Soi mai un « papivòr » qu’un afogat de la Tela quitament se, coma los autres, i vau far un torn cada jorn per legir las novèlas d’aicí e d’ailà… Mas, en general, quand cèrqui quicòm de precís, i arribi pas e me calriá causir demest los milierats de responsas en linha e, donc, abandoni ! M’arriba pr’aquò de i anar veire quand las referéncias son balhadas dins un article. Es aital que soi anat veire sorosoro.org, « un site que contribuís a la sauvagarda de las lengas en dangièr sul planeta » [Le Monde Télévisions 27/28-11]. Dins l’article de presentacion, la jornalista parla del « florilègi de l’extraordinària diversitat de las vidèos, dels mites e dels mots apareguts sul site […] al cors de las setmanas recentas » e mençona, entre autras causas, lo conte de Tamà l’Ièna en lenga menik de Senegal o la vidèo sus la vida d’un cople en lenga akelé de Gabon… Recomenda lo « trabalh remirable » de l’associacion sorosoro « en favor de la  diversitat culturala del planeta » e soslinha lo sosten important de la Fondacion Chirac e la d’Orange. Per l’occitan, las entresenhas venon de l’Union latine [unilat.org] e son estadas completadas per H. Giordan e M.-J. Verny. Nòstres politicians engatjats dins la campanha presidenciala an pas lo temps, de segur, de s’interessar a totas aquelas besucarietas. J. Chirac o faguèt, un còp retirat mas abans d’èsser anosognosic ! Levat Sarközy qu’a pro a far per mestrejar la lenga de París e Mélenchon qu’es un monolingüe exagonal monomaniac, se pòt comprene que los autres esitan a seguir son exemple. Carles Quint, cinc sègles a, parlava cinc o sièis lengas mas, vertat es qu’èra mai o mens un despòta. Als republicans de l’ora d’ara, eiretièrs del segle dels Lums, basta la lenga exagonala universala e, per qualques uns, tres mots d’anglés.


Editorial de La Setmana, n°844

 

Repost 0
Andriu de Gavaudan - dans Anar del mond
commenter cet article

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca