Overblog Suivre ce blog
Editer l'article Administration Créer mon blog
13 août 2013 2 13 /08 /août /2013 11:25

Tecnica estivenca…

Desempuish quauques annadas, las societas modèrnas que son intradas dens un revolum que va estar dificile d’arrestar o quitament d’alentir. Los qui an lo dequé ne’s senteishen pas concernits e que’s contentan de díser au praube monde qu’èm que nse cau adaptar.

Qu’es atau qu’ua de las excepcions « culturaus » exagonaus : lo ralentiment de l’economia en causa de congets, qu’es combatuda per aqueths que n’an pas nat besonh de’s sométer a la lei comuna de l’obrèr o de l’emplegat que depen d’un patron.

La resisténcia de la societat francesa a tot cambiament qu’es mesa en relèu e los Francés que son, en consequéncia, renduts responsables de la lors dificultats, financèras entre autras causas. Que sabem tots, e dempuish bèra pausa, que, la màger part deu temps, e cau un lampista entà pagar los plats quan son copats.

Los Francés, quan ac pòden, n’an pas enqüèra renonciat a anar har de bronza-cuu sus las plajas. Que qué se pòsca pensar de la pertinéncia de las lors motivacions, ende ua majoritat qu’es ua evidéncia : las vacanças en periòde estivenc que còstan (en principi !) mens car qu’a un aute moment.

Generalament, l’estiu qu’es la sason causida peus poders publics o per las enterpresas nacionaus entà anonciar quauques navèras marridas. L’aumentacion de 5 % de las tarifas per l’electricitat, aprovada peu govèrn, qu’estó anonciada au moment qu’un sarròt de Francés e pensavan a doblidar los lors problèmas pendent en préner quauques jorns de vacanças. La setmana passada, lo ministre de l’Economia que digó que la creishença ne seré pas au rendetz-vos entà’s desdíser lo lendoman en explicar qu’èra estat mau comprés, etc.

Los elegits còrs qu’an assimilat aquela tecnica estivenca e demandan que la proprietat immobiliària en Corsega sia reservat aus Còrses…

Editoriau de La Setmana, n° 932

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca