Overblog Suivre ce blog
Editer l'article Administration Créer mon blog
3 août 2013 6 03 /08 /août /2013 16:56

Un grand democrata !

Vòli pas dire mas, amb lo calimàs totjorn de sason (!) en cò nòstre e en Euròpa en general, ne i a qu’an pas una vida aisida…

Parli pas de segur dels caumaires o de los qu’apèlan, sabi pas perque, los trabalhadors paures ; aqueles son passats, longtemps a, per profièches e pèrdas de nòstra societat liberala avançada.

L’esquèrra de govèrn fa pas melhor que la drecha de govèrn quitament se, dins lo vocabulari, se mostra un pauc mai conscienta dels problèmas. De tota faiçon, un caumaire es un caumaire e lo que subreviu subreviu, non ?

Los mèdia nos rebaton las aurelhas suls vacancièrs que, ongan, partan mens longtemps e despensan mens sul luòc de lors vacanças ; çò que fa pas lo bonaür dels prestataris de servicis : ostalariás, restaurants, etc.

Ieu, aviái per costuma a l’epòca de dire qu’un bihet de cent francs me servissiá tres o quatre còps, çò que me permetiá de far d’estalvis ; amb lo bilhet de vint euros, ai assajat mas sembla pas marchar !

Torni a mon prètzfach : las dificultats de la vida per qualques uns demest los que nos govèrnan.

En Espanha, lo primièr ministre es embarrassat per d’afars financièrs que concernisson son partit e el meteis. Fins ara, aviá pas respondut a sos detractors mas, fin finala, a degut se desencusar e plaidejar « responsable » mas pas « copable ».

En Itàlia, lo « cavaliere » Berlusconi, un fenomèn aquel, ven, après mai d’un vintenat d’annadas, d’èsser condamnat de-fi-ni-ti-va-ment e, de segur, crida a l’escandal e repotega, sens que siá novèl, après totes aqueles jutges roges – es a dire comunistas – que lo persecutan desempuèi l’an pèbre.

L’Espanhòl e l’Italian an, un coma l’autre, tota una tropelada de ciutadans e d’elegits que los seguisson e que son prèstes a « morir » per eles quitament se son de rufians e de sacamands.

Amb una armada d’avocats e amb la presompcion d’innocéncia qu’existís per cada ciutadan d’una democracia, lo Berlusconi, per exemple, a capitat de se trufar de la justícia amb de manòbras dilatòrias, e ara, plorineja e es prèste a far tombar lo govèrn per satisfar sa rancura…

Cronica occitana

Le Petit Bleu de Lot-et-Garonne

Dimenge 4 d'agost de 2013

Partager cet article

Repost 0
Andriu de Gavaudan
commenter cet article

commentaires

Presentacion

  • : Le blog de Andriu de Gavaudan
  • Le blog de Andriu de Gavaudan
  • : Actualitat en lenga occitana Lenga e cultura occitanas (occitan ancian e modèrne)
  • Contact

Recèrca